Priapos

Priapos (henc'hresianeg : Πρίαπος Príapos) a oa un doue a eil renk, unan eus doueed ar frouezhusted, diwaller ar chatal, ar gwez-frouezh, liorzhoù, hag ardivink-genel ar baotred e mojennoù Henc'hres. Mutinus Mutunus e oa e anv henroman.

Anavezet mat e oa abalamour d'e vell kalc'h, bepred sonn, ma komzer hiziv eus priapegezh. E liorzhoù bras Roma e veze lakaet hermai, delwennoù dezhañ e koad fiez livet e ruz, da spontañ brini ha da gas ar wallchañs kuit.

Un doue hudur e oa ivez met ne anave ket ar blijadur nag ar speriusted evitañ e-unan.